ریاض( نئی تازہ رپورٹ) سعودی عرب نے حج پروازوں کی آمد و رفت کی تاریخوں کا اعلان کردیا۔ پروازیں 9 مئی 2024 سے شروع ہو کر 10 جون تک جاری رہیں گی ۔
میڈیا رپورٹس کے مطابق سعوی ایوی ایشن کی طرف سے اعلان کیا گیا ہے کہ حج پروازوں کے لیے درخواستیں یکم جنوری 2024 تک جمع کرائی جا سکتی ہیں۔
سعودی ایوی ایشن کے مطابق حج سے واپسی کی پروازیں 20 جون 2024 سے شروع ہوں گی اور آخری پرواز حاجیوں کو سعودی عرب سے لے کر ان کے وطن 21 جولائی کو جائے گی۔
سعودی ایوی ایشن نے پاکستان انٹرنیشنل ایئرلائن( پی آئی اے) سمیت تمام ممالک کی فضائی کمپنیوں کو مطلع کیا ہے کہ حج کی درخواستیں یکم جنوری 2024 تک لازمی جمع کرادیں۔
سعودی حکام نے کہا ہے کہ اس مرتبہ حاجیوں کی ریکارڈ تعداد کو خوش آمدید کہا جائے گا جس کے لیے انتظامات کو حتمی شکل دی جا رہی ہے۔ اللہ کے مہمانوں کو ہر ممکن سہولیات کی فراہمی کو یقینی بنائیں گے۔
یاد رہے کہ کوونا وبا کی پابندیوں کے خاتمے کے بعد گزشتہ برس سے حج اور عمرے کی رونقیں بحال ہوگئی ہیں۔
