راجن پور( نئی تازہ مانیٹرنگ) سخی سرور سےجیکب آباد جانے والی مسافر بس راجن پور کے قریب الٹ جانے 5 افراد جاں بحق اور 20 زخمی ہوگئے۔ حادثہ ڈرائیور کے سو جانے کی وجہ سے پیش آیا۔
ریسکیوذرائع کے مطابق ریسکیو راجن پور کنٹرول روم کو کال موصول ہوئی کہ انڈس روڈ فاضلپور کے قریب سخی سرور سے آنے والے زائرین کی ایک بس الٹ گئی ہے، جس پر ریسکیو 1122 نے 21 افراد کو ریسکیو کرکے ہسپتال منتقل کردیا، ریسکیو حکام کے مطابق اس افسوس ناک واقعہ میں 5 افراد موقع پر ہی جاں بحق ہوگئے۔
بتایا گیا ہے کہ حادثے میں جاں بحق ہونے والوں میں 2 بچے اور ایک خاتون شامل ہیں، حادثے میں 20 افراد شدید زخمی ہیں جن میں سے چار کی حالت تشویشناک بیان کی گئی ہے۔
ڈسٹرکٹ انچارج ریسکیو ڈاکٹر اسلم کے مطابق فاضل پور میں ڈرائیور کو نیند آنےکی وجہ حادثہ پیش آیا۔ انہوں نے میڈیا کو بتایا کہ مسافر بس سخی سرور سے جیکب آباد جا رہی تھی۔
