اسلام آباد ( نئی تازہ رپورٹ) عمران خان سمیت پی ٹی آئی کے 600 سے زائد رہنماؤں اور سابق ارکان اسمبلی کے بیرون ملک جانے پر پابندی عائد کر دی گئی۔
نجی ٹی وی نے ذرائع ایف آئی اے کے حوالے سے بتایا کہ 9 مئی کے جلاؤ گھیراؤ کے واقعات میں ملوث ہونے او مقدمات میں نامزد ہونے کے باعث عمران خان سمیت 600 سے زائد سابق ارکان اسمبلی اور پی ٹی آئی عہدیداروں اور کارکنوں کے نام نو فلائی لسٹ میں شامل کیےگئے ہیں۔ جس کے باعث مذکورہ افراد بیرون ملک سفر نہیں کر سکیں گے
ذرائع کےمطابق بیرون ممالک جانے سے روکنےکے لیے پی ٹی آئی رہنماؤں کے نام ایف آئی اے کی پروونشل نیشنل آئیڈینٹیفکیشن لسٹ ( پی این آئی ایل) میں ڈالےگئے ہیں۔
عمران خان کی اہلیہ بشریٰ بی بی ، مرادسعید، ملیکہ بخاری، فواد چوہدری، حماد اظہر، قاسم سوری ، اسد قیصر، یاسمین راشد اور میاں اسلم اقبال سمیت 600 افراد کا نام بھی نو فلائی لسٹ میں شامل ہے۔
ذرائعکے مطابق گزشتہ چند روز میں بعض عہدیداروں نے بیرون ممالک جانےکی کوشش بھی کی، بیرون ممالک جانےکی کوشش کرنے والے پی ٹی آئی ارکان اور عہدیداروں کو ہوائی اڈوں پر روکا گیا، ان کو بیرون ممالک سفر سے روکنےکے لیے نام پولیس، سی ٹی ڈی اور خفیہ اداروں نے پہلے ہی ارسال کر رکھے تھے۔
