لاہور( نئی تازہ رپورٹ) وفاقی دارالحکومت اسلام آباد اور پنجاب کے مختلف شہروں میں آندھی اور بارش سے سات افراد جاں بحق اور متعدد زخمی ہوگئے ۔
تفصیلات کے مطابق گزشتہ روزلاہور،ملتان، سیالکوٹ، چنیوٹ، فیصل آباد، بہاولپور، جہانیاں،میانوالی، حافظ آباد، سرگودھا اور بھکر سمیت مختلف شہروں میں آندھی، موسلادھار بارش اور ژالہ باری ہوئی۔
میانوالی میں چکڑالہ کے علاقہ میں دیوار گرنے سے 4 بچے جاں بحق ہوگئے، جھنگ میں مکان کی چھت گرنے سے 2 افراد جاں بحق ہوگئے، ملتان میں چھتیں گرنے کے واقعات میں ایک شخص جاں بحق اور 7 افراد زخمی ہوئے۔
بلوچستان کے کچھ علاقوں میں بھی شدید بارش ، ژالہ باری اور آندھی سے نظام زندگی مفلوج ہوگیا ۔
