اسلام آباد ( نئی تازہ رپورٹ) وزیراعلیٰ گلگت بلتستان کو جی بی ہاؤس اسلام آباد میں نظر بند کر دیا گیا۔
میڈیا رپورٹس کے مطابق وزیراعلیٰ خالد خورشید کوگلگت بلتستان ہاؤس اسلام آباد میں نظر بند کر دیا گیا ہے، نظر بند کرنے کی منظوری چیف کمشنر اسلام آباد کی طرف سے دی گئی۔
رپورٹس کے مطابق گلگت بلتستان ہاؤس اسلام آباد کے باہر پولیس کی بھاری نفری تعینات کر دی گئی ہے۔ یاد رہے کہ جمعرات کو علی الصبح پی ٹی آئی رہنما شاہ محمود قریشی کو گلگت بلتستان ہاؤس اسلام آباد سے گرفتار کیا گیا تھا، اس سے قبل بدھ کو اسلام اباد ہائی کورٹ سے وہ وزیراعلیٰ گلگت بلتستان کے ساتھ گاڑی میں روانہ ہوئے تھے۔
