اسلام آباد (نئی تازہ رپورٹ) حکومت نے معظم جاہ انصاری کو تبدیل کرکے اختر حیات گنڈا پور کو آئی جی خیبر پختونخوا تعینات کردیا۔ذرائع کے مطابق نئے آئی جی کے پی کیلئے تین ناموں کی سمری بھیجی گئی تھی جن میں محمد سعید خان، اختر حیات گنڈا پور اور سہیل تاجک کے نام شامل تھے۔جمعرات کو اسٹیبلشمنٹ ڈویژن کی جانب سے اختر حیات گنڈا پور کو نیا آئی جی خیبر پختونخوا تعینات کرنے کا نوٹیفکیشن جاری کر دیا گیا ہے۔
نوٹیفکیشن کے مطابق وفاقی حکومت کی منظوری کے بعد ایف آئی اے میں خدمات سرانجام دینے والے گریڈ 21 کے پولیس افسر اختر حیات کو انسپکٹر جنرل آف پولیس خیبر پختون خوا تعینات کیا گیا ہے جب کہ تبدیل کئے جانے والے سابق آئی جی کے پی کے معظم جاہ انصاری کو اسٹیبلشمنٹ ڈویژن رپورٹ کرنے کی ہدایتکی گئی ہے۔اس سے قبل اختر حیات گنڈا پور ڈی آئی جی اسپیشل برانچ خیبرپختونخوا کے طور پر ذمہ داریاں سر انجام دے چکے ہیں، وہ ڈی آئی جی مالاکنڈ کی حیثیت سے بھی کام کر چکے ہیں۔
