اسلام آباد ( نئی تازہ مانیٹرنگ) اسٹیٹ بینک آف پاکستان نے ڈالر سمیت غیر ملکی کرنسی کی مصنوعی قلت پیدا کرنے میں ملوث آٹھ ایکسچینج کمپنیوں کے گیارہ آئوٹ لیٹس کے لائسنس معطل کردیئے ہیں
اسٹیٹ بینک کی ٹیم کے ممبران نے مختلف ایکس چینج کمپنیوں کے آوٴٹ لیٹس پر خود کو صارف ظاہر کرکے غیر ملکی کرنسی حاصل کرنے کی کوشش کی. مذکورہ آوٴٹ لیٹس اپنے کاوٴنٹرز پر دستیاب ہونے کے باوجود اپنے صارفین کو غیر ملکی کرنسیوں کی فروخت سے انکار کر رہے تھے۔جس پر.. اسٹیٹ بینک نے ریگولیٹری ہدایات کی خلاف ورزی پائے جانے پرگیارہ آؤٹ لیٹس کے لائسنس پندرہ دنوں کے لیے فوری طور پر معطل کر دیئے ہیں. معطلی کے عرصہ کے دوران کسی بھی قسم کی کاروباری سرگرمی کی ممانعت ہو گی۔
