کراچی ( نئی تازہ رپورٹ) ذی الحج کا چاند دیکھنے کے لیے مرکزی رویت ہلال کمیٹی کا اجلاس آج جمعہ کو کراچی میں ہوگا۔
میڈیا رپورٹ کے مطابق ذی الحج 1445 ہجری کا چاند دیکھنے کے لیے مرکزی رویت ہلال کمیٹی کا اجلاس چیئرمین مولانا عبدالخبیر آزاد کی زیر صدارت جمعہ 29 ذیقعد کوہوگا۔
چاند دیکھنے کے لیے تمام زونل رویت ہلال کمیٹیوں کے اجلاس بھی اپنے مقررہ مقامات پر ہوں گے۔ پاکستان میں آج 7 جون 2024 کو ذی الحج کا چاند نظر آنے کی صورت میں ہفتہ 8 جون ب کو یکم ذی الحج جبکہ پیر 17 جون کو عیدالاضحیٰ ہوگی۔
محکمہ موسمیات نے آج چاند نظر آنے کی پیشگوئی کی ہے۔
یاد رہے کہ سعودی عرب میں گذشتہ روز ذی الحج کا چاند نظر آگیا ہے، سعودی عرب میں آج جمعہ 7 جون کو یکم ذی الحج ہے اور عیدالاضحیٰ اتوار 16 جون کو ہو گی۔
