کراچی ( نئی تازہ رپورٹ) پی آئی اے نے سعودی عرب کے مختلف شہروں کے لیے کرایوں میں 30 فیصد تک کمی کر دی۔
پاکستان انٹرنیشنل ایئر لائن (پی آئی اے) کے ذرائع کے مطابق رعایتی کرایوں سے پاکستان کے مختلف ایئرپورٹس سے ریاض، دمام اور القسیم جانے والے مسافرفائدہ حاصل کر سکیں گے۔
ذرائع کے مطابق سعودی عرب کے مخصوص ایئر پورٹس پر جانے والے پی آئی اے کے مسافروں کو 10جون سے 18 جون 2024 تک رعایتی کرایوں کی سہولت میسر ہو گی ۔
یہ بھی پڑھیں : محکمہ موسمیات نے عید الاضحیٰ پیر 17 جون کو ہونے کی پیشگوئی کر دی
واضح رہی کہ پاکستانیوں کی ایک بڑی تعداد سعودی عرب میں روزگار کے سلسلہ میں مقیم ہے جن کی وطن آمدورفت ایک معمول ہے، مذکورہ ایام میں سفر کرنے والوں کو پی آئی کی رعایتی سکیم سے مستفید ہونے کا موقع ملے گا۔
