اسلام آباد( نئی تازہ رپورٹ) حکومت نے سولر نیٹ میٹرنگ پالیسی ختم کرنےبارے خبروں کی تردید کر دی۔
پاور ڈویژن نے ایک بیان میں اس حوالے سے زیر گردش خبروں کی تردید کرتے ہوئے کہا کہ مختلف چینلز پرچلنے والی نیٹ میٹرنگ پالیسی ختم کرنے کی خبروں میں کوئی صداقت نہیں، بیان کے مطابق مختلف ٹی وی چینلز کو گمراہ کن خبر چلانے سے پہلے پاور ڈویژن کا موقف لینا چاہیے تھا۔
پاور ڈویژن نے واضح کیا کہ وزیر اعظم کی طرف سے نیٹ میٹرنگ پالیسی سے متعلق کوئی ہدایات موصول نہیں ہوئیں۔
یہ بھی پڑھیں : وفاقی محکموں میں ہفتہ کی تعطیل ختم کرنے کیلئے تجاویز طلب
میڈیا رپورٹس کے مطابق حکومت نے سعودی سرمایہ کاروں کے ساتھ 600 میگاواٹ کا سولر پاور پلانٹ لگانے کا فیصلہ کیا ہے جو بغیر بڈنگ بین الحکومتی بنیادوں پر لگایا جائے گا۔
واضح رہے کہ بعض میڈیا چینلز پر یہ خبر نشر ہوئی تھی کہ وفاقی حکومت نے موجودہ نیٹ میٹرنگ سسٹم ختم کرنے کا فیصلہ کیا ہے۔
