لاہور ( نئی تازہ رپورٹ) پنجاب میں پروٹیکٹڈ صارفین کو سولر سسٹم مہیا کرنے کی غرض سے وزیر اعلیٰ روشن گھرانہ پروگرام کے لئے فنڈز کی منظوری دے دی گئی۔
وزیر اعلیٰ پنجاب مریم نواز کی زیر صدارت جمعرات کو اسٹینڈنگ کمیٹی فنانس اینڈ ڈویلپمنٹ کا اجلاس ہوا ، اجلاس کو روشن گھرانہ پروگرام سے متعلق بریفنگ دی گئی۔
بریفنگ کے دوران 100 یونٹ تک بجلی استعمال کرنے والے پروٹیکٹڈ صارفین کو سولر سسٹم مہیا کرنے کے منصوبے پر تبادلہ خیال کیا گیا۔
اجلاس کے دوران وزیر اعلیٰ مریم نواز نے پروگرام کے لئے فنڈز کی منظوری دی۔
حکومتی ذرائع کے مطابق روشن گھرانہ پروگرام خاص طور پر ان بجلی صارفین کے لیےتیار کیا گیا ہے جو ماہانہ 100 یونٹ تک بجلی استعمال کرتے ہیں، پروگرام کا مقصد اہل گھرانوں کو سولر سسٹم مہیا کرنا ہے۔
وزیر اعلیٰ پنجاب نے اجلاس سے خطاب کرتے ہوئے کہا کہ ماضی میں حکومت پیسے دے کر عوام کیلئے اشیاء مہنگی کرتی رہی ہے۔ اب حکومتی پالیسیوں کی بدولت پنجاب میں مہنگائی 36 فیصد سے کم ہوکر17 فیصد پر آ گئی ہے۔
