راولپنڈی (نئی تازہ رپورٹ) قومی احتساب بیورو ( نیب) راولپنڈی کی ٹیم نے اڈیالہ جیل میں قید چیئرمین پی ٹی آئی کو 190 ملین پاؤنڈ کیس میں بھی گرفتار کر لیا۔
ذرائع کے مطابق نیب ٹیم نے القادر ٹرسٹ میں جاری وارنٹ گرفتاری کی تعمیل کرا تے ہوئے جیل میں پی ٹی آئی کے چیئرمین عمران خان کی گرفتاری ڈال دی۔
جیل انتظامیہ نے عمران خان کی گرفتاری تعمیل کی تصدیق کی ہے، اس سے قبل نیب کی ٹیم 190 ملین پاؤنڈ اسکینڈل کیس میں پاکستان تحریک انصاف کے چیئرمین عمران خان کی گرفتاری کیلئے اڈیالا جیل پہنچی۔
ٹیم کی قیادت اسسٹنٹ ڈائریکٹر آصف اور وقار الحسن کر رہےتھے۔
اسلام آباد کی احتساب عدالت نے پیر کو چیئرمین پی ٹی آئی کے وارنٹ گرفتاری جاری کیے تھے اور وارنٹ گرفتاری کی تعمیل کیلئے سپرنٹنڈنٹ اڈیالا جیل کو ہدایات جاری کیں تھیں۔
