راولپنڈی ( نئی تازہ رپورٹ) پاکستان نے ابابیل ویپن سسٹم کا کامیاب تجربہ کرلیا۔
پاک فوج کے شعبہ تعلقات عامہ (آئی ایس پی آر) کے مطابق میزائل سسٹم کا مقصد خطے میں اسٹریٹجک استحکام کو بڑھانا ہے۔
آئی ایس پی آر کے مطابق میزائل تجربہ چیئرمین جائنٹ چیفس آف اسٹاف کمیٹی جنرل ساحر شمشاد مرزا، اسٹریٹجک پلانز ڈویژن اوراسٹریٹجک فورسز کمانڈ کے سینئر افسران، اسٹریٹجک اداروں کے سائنسدانوں اور انجینئرز نے دیکھا۔
جنرل ساحر شمشاد مرزا نے ان تمام افراد کی تکنیکی صلاحیت، لگن اور عزم کو سراہا جنہوں نے کامیاب ٹیسٹ میں تعاون کیا۔ صدر، وزیراعظم اور سروسز چیفس نے بھی اس کامیابی پر سٹریٹیجک فورسز کے تمام ارکان کو مبارکباد دی۔
