اسلام آباد ( نئی تازہ رپورٹ ) چیئرمین پی ٹی آئی عمران خان کو سزا سنانے والے جج جوڈیشل کانفرنس میں شرکت کیلئے لندن روانہ ہو گئے، چیف جسٹس نے جج ہمایوں دلاور کی جوڈیشل کانفرنس میں شمولیت کے لیے نامزدگی کی۔
نجی ٹی وی نے ذرائع کے حوالے سے بتایا کہ اسلام آباد ہائیکورٹ کے رجسٹرار نے 4 اگست کو سیشن جج کو خط لکھا تھا جسمیں کہا گیا کہ جج فیضان حیدر کی جگہ ٹریننگ کیلئے جج ہمایوں دلاور کا نام شامل کیا جائے، ہمایوں دلاور 5 سے 13 اگست تک لندن میں ہونے والی ٹریننگ میں شامل ہوں گے۔ یہ ٹریننگ سیشن یوکے کی یونیورسٹی آف ہل میں ہورہا ہے۔
ذرائع کے مطابق اسلام آباد سے ججز کی جوڈیشل کانفرنس شمولیت کا عمل 2 ماہ سے جاری تھا، کچھ ججز کو برطانیہ کا ویزہ نہ ملنے پر دوسرے ججز کو شامل کیا گیا۔ پشاور میں بھی کچھ ججز کو ویزہ نہ ملنے پر ان کی جگہ دوسرے نام شامل کئے گئے۔
ایڈیشنل سیشن جج ہمایوں دلاور نے گزشتہ روز چیئرمین پی ٹی آئی کوتوشہ خانہ کیس میں 3 سال قید اور ایک لاکھ روپے جرمانے کی سزا سنائی تھی۔
