اسلام آباد( نئی تازہ رپورٹ) وفاقی وزیر قانون اعظم نزیر تارڑ نے کہا ہے کہ ملٹری کورٹ کے فیصلے کیخلاف اعلیٰ عدالتوں میں اپیل دائر کی جاسکے گی، فوجی عدالت میں ملزم کو شفاف ٹرائل کا مکمل حق ہوگا ۔
صحافیوں سے گفتگو میں وزیر قانون اعظم نذیر تارڑنے کہا کہ فوجی عدالتوں میں مقدمات کے حوالے سے بین الاقومی معاہدوں کو مد نظر رکھا جائے گا، فوجی عدالت میں ملزم کو شفاف ٹرائل کا حق ہوگا۔
اعظم نذیر تارڑ نے کہا کہ فوجی عدالت میں ملزم کو مرضی کا وکیل کرنے اور اپنے دفاع میں شواہد،ثبوت فراہم کرنے کا حق ہو گا۔ انہوں نے کہا کہ ابھی تک کسی خاتون کا مقدمہ فوجی عدالت میں نہیں بھجوایا گیا، فوجی عدالتوں کے فیصلوں کے خلاف اعلی عدالتوں میں اپیل کا حق حاصل ہوگا۔
