اسلام آباد ( نئی تازہ رپورٹ) سینیٹ نے سود کے خاتمے سے متعلق قرارداد کی متفقہ طور پر منظوری دے دی۔
پارلیمنٹ کے ایوان بالا میں جماعت اسلامی کے سینیٹر مشتاق احمد کی جانب سے رباء کے خاتمے سے متعلق قرارداد پیش کی گئی۔سینیٹ میں قرارداد پر وزیر مملکت خزانہ عائشہ غوث بخش پاشا نے اظہار خیال کرتے ہوئے کہا کہ حکومت کی اولین ترجیح ہے ملک کی معیشت سود سے پاک ہو، حکومت سود کے خاتمے کے حوالے سے اقدامات کر رہی ہے۔
سینیٹ نے سود کے خاتمے سے متعلق پیش کردہ قرارداد متفقہ طور پر منظور کر لی۔یاد رہے کہ شرعی عدالت نے سود کے کاتمہ کا فیصلہ کیا تھا جس پر سٹیٹ بینک اور نیشنل بینک کی طرف سے اپیلیں سپریم کورٹ میں دائر کی گئی تھیں تاہم بعد ازاں حکومت کی طرف سے اپیلیں واپس لے لی گئیں۔
