کراچی ( نئی تازہ رپورٹ) کراچی میں پاکستان تحریک انصاف کے رہنما ، رکن صوبائی اسمبلی ارسلان تاج کو گرفتار کر لیا گیا۔
پی ٹی آئی ترجمان کے مطابق ایم پی اے ارسلان تاج کو ان کی رہائش گاہ گلشن اقبال سے گرفتار کیا گیا ہے۔ترجمان نے کہا کہ ارسلان تاج کو سادہ لباس اہلکاروں نے گرفتار کیا۔فوری طور پر ان کی گرفتاری کی وجہ سامنے نہیں آسکی۔
کراچی میں پولیس کی جانب سے علی الصبح پی ٹی آئی کے ایک اور رکن سندھ اسمبلی راجا اظہر کے گھر پر بھی چھاپہ مارا گیا۔پارٹی ترجمان کا کہنا ہےکہ پولیس چھاپے کے وقت ایم پی اے راجا اظہر گھر پر موجود نہیں تھے۔ترجمان پی ٹی آئی کے مطابق پولیس کی جانب سے راجا اظہر کی فیملی کو ہراساں کیا گیا۔
