کابل ( نئی تازہ سپورٹس ڈیسک )پاکستان اور افغانستان کی کرکٹ ٹیموں کے درمیان ٹی 20 سیریز کا آغاز 25 مارچ کو شارجہ میں ہوگا، افغان کرکٹ بورڈ نے شیڈول کا اعلان کردیا۔
افغان کرکٹ بورڈ کے جاری کردہ شیڈول کے مطابق مطابق پاکستان کے خلاف تین میچز پر مشتمل ٹی 20 سیریز کا پہلا میچ ہفتہ 25 مارچ، دوسرا پیر 27 مارچ اور تیسرا بدھ29 مارچ کوشارجہ اسٹیڈیم میں کھیلا جائے گا۔ پاک افغان ٹی 20 سیریز کے لیے پاکستانی ٹیم کا اعلان آئندہ ہفتے متوقع ہے۔
پی ایس ایل میں نمایاں کارکردگی دکھانے والے کھلاڑیوں کو پاکستانی ٹیم میں شامل کئے جانے کا امکان ہے۔معلوم ہوا ہے کہ سیریز سے قبل قومی ٹیم کا تربیتی کیمپ نہیں لگایا جائے گا۔ پاکستانی ٹیم بابر اعظم کی کپتانی میں ٹ 22 مارچ کو شارجہ روانہ ہوگی۔
