عمر کوٹ(نئی تازہ رپورٹ) عمر کوٹ میں زائرین کی کشتی کلانکر جھیل میں الٹنے کے نتیجے میں 6 افراد ڈوب گئے، ریسکیو ٹیم نے تین لاشین نکال لیں۔
پولیس کے مطابق واقعہ دھورونارو کے علاقے میں پیش آیا ، بتایا گیا ہے کہ زائرین درگاہ سیھڑ فقیر کی زیارت کے بعد واپس جا رہے تھے۔
ڈوبنے والے تمام افراد کا تعلق گاؤں کنھار اور ایک ہی خاندان سے تھا، حادثے میں جاں بحق ہونے والے تین افراد کی لاشیں نکال لی گئی ہیں جن میں ایک بچی کی لاش بھی شامل ہے، جبکہ دیگر تین کی تلاش کے لئے ریسکیو آپریشن جاری ہے۔رات کو اندھیرے کے باعث ریسکیو آپریشن روک دیا گیا تھا۔ جاں بحق ہونے والے افراد کی لاشیں گھر پہنچنے پر کہرام مچ گیا۔
…..
