اسلام آباد ہائیکورٹ سے ماتحت عدلیہ کے دو ججز کی خدمات واپس پشاور ہائیکورٹ کے سپرد کر دی گئیں۔
قائم مقام چیف جسٹس کی منظوری کے بعد رجسٹرار آفس کی جانب سے اس حوالے سے باقاعدہ نوٹیفکیشن جاری کیا گیا۔
نوٹیفکیشن کے مطابق، گریڈ 21 کے ڈسٹرکٹ اینڈ سیشن جج سید احتشام علی، جو اسلام آباد میں آفیسر آن اسپیشل ڈیوٹی کے طور پر فرائض انجام دے رہے تھے، کی خدمات پشاور ہائیکورٹ کو واپس کر دی گئیں۔
اسی طرح، گریڈ 20 کی ایڈیشنل ڈسٹرکٹ اینڈ سیشن جج حسینہ ثقلین، جو ایڈیشنل ڈسٹرکٹ اینڈ سیشن جج ویسٹ کے طور پر تعینات تھیں، کی خدمات بھی پشاور ہائیکورٹ کے حوالے کر دی گئیں۔
