راولپنڈی : ٹریک کی مرمت کے باعث راولپنڈی میں میٹر وبس سروس 28 نومبرسے یکم دسمبرتک معطل رہے گی۔
انتظامیہ کے مطابق ٹریک کی حالت بعض مقامات پرخراب ہے جسے مرمت کیا جانا ضروری ہے، ٹریک کی بحالی اور مرمتی کام کے باعث میٹرو بس سروس عارضی طور پرچار روز کے لیے بند کی جا رہی ہے۔
اس دوران میٹرو بس سروس صدر اسٹیشن راولپنڈی سے فیض آباد تک بند رکھی جائے گی جبکہ فیض آباد سے پاک سیکریٹریٹ تک میٹرو بس سروس معمول کے مطابق جاری رہے گی۔
ذرائع کے مطابق 2 دسمبر سے میٹرو بس سروس صدر سٹیشن سے پاک سیکریٹریٹ تک بحال کر دی جائے گی۔
