آزاد کشمیر میں کھیلوں کا رنگا رنگ میلہ کشمیر سپریم لیگ 2024، ستمبر میں منعقد ہو گا ۔
شیڈول کے مطابق 18 سے 30 ستمبر تک جاری رہنے والی کے ایس ایل میں متعدد قومی کھلاڑی شریک ہوں گے، کشمیر سپریم لیگ میں لیگ فار پیس کے بینر تلے 19 مقابلے ہوں گے ، میچز کا انعقاد مظفرآباد کرکٹ سٹیڈیم اور راولپنڈی میں کیا جائے گا۔
کے ایس ایل کا آغاز راولپنڈی میں شاندار افتتاحی تقریب سے ہوگا۔
شیڈول کے مطابق کشمیر سپریم لیگ کے 4 میچز مظفر آباد میں کھیلے جائیں گے جہاں پر اختتامی تقریب بھی منعقدہو گی، ٹورنامنٹ میں چھ ٹیمیں شریک ہوں گی جن میں مظفرآباد فالکن، راولاکوٹ یونائیٹڈ، باغ رائلز، کوٹلی کنگز، میرپور اسٹالینز اور اوورسیز پیٹریاٹس شامل ہیں۔
یہ بھی پڑھیں : فلم میں انٹری ، چاہت فتح علی خان کا مداحوں کو’سبق‘ سکھانے کا فیصلہ
کے ایس ایل ترجمان کے مطابق کشمیر سپریم لیگ کا مقصد کرکٹ کی متحد طاقت کے ذریعے امن اور ہم آہنگی کا فروغ ہے، اس لیگ میں کھلاڑیوں کو اپنی صلاحیتوں کا مظاہرہ کرنے کا موقع ملے گا اور شائقین کو اپنی ٹیموں کی حمایت میں اکٹھا ہونے کے لیے ایک پلیٹ فارم میسر آئے گا۔
