پاکستان کرکٹ ٹیم انگلینڈ کیخلاف سیریز کی وجہ سے ورلڈ کپ وارم اپ میچز نہیں کھیل سکے گی۔آئی سی سی ٹی ٹوئنٹی ورلڈ کپ 2024 کے وارم اپ میچزکے شیڈول میں پاکستان کو شامل نہیں کیا گیا۔
عالمی کرکٹ کونسل ( آئی سی سی ) نے ٹی ٹوئنٹی ورلڈ کپ 2024 کے وارم اپ میچز کا شیڈول جاری کردیا ہے ،شیڈول میں پاکستان کا کوئی میچ شامل نہیں۔
بتایا گیا ہے کہ آئی سی سی ٹی ٹوئنٹی ورلڈ کپ 2024 سے قبل پاکستان کرکٹ ٹیم وارم اپ میچز نہیں کھیلے گی۔ جس کی وجہ
انگلینڈ کیخلاف سیریز ہے۔
یاد رہے کہ پاکستان اور انگلینڈ کے درمیان ٹی ٹوئنٹی میچز کی سیریز 22 مئی 2024 سے شروع ہو رہی ہے جو 30 مئیتک جاری رہے گی۔اسی طرح انگلینڈ کی ٹیم بھی ورلڈکپ وارم اپ میچز نہیں کھیل سکے گی۔
آئی سی سی شیڈول کے مطابق ورلڈ کپ میں شریک 20 میں سے 17 ٹیمیں وارم اپ میچز کھیلیں گی۔ ٹی ٹوئنٹی ورلڈ کپ 2024 کے وارم اپ میچز 27 مئی سے یکم جون کے درمیان کھیلے جائیں گے۔
پاکستان کرکٹ ٹیم یکم جون کو انگلینڈ سے امریکہ کے لیے روانہ ہو جائے گی۔ پاکستان کا پہلا میچ 6 جون کو امریکہ کے ساتھ ہو گا۔
