راولپنڈی ( نئی تازہ رپورٹ) بورڈ آف انٹرمیڈیٹ اینڈ سیکنڈری ایجوکیشن (BISE)راولپنڈی نے ایف اے ، ایف ایس سی ( 11 ویں، 12 ویں جماعت) کے پہلے سالانہ امتحانات 2024 کے طلبا کے لیے رول نمبر سلپس جاری کر دی ہیں۔ رولنمبر سلپ حاصل کرنے کا طریقہ نیچے درج ہے۔
راولپنڈی بورڈ کے تحت انٹر میڈیٹ کے امتحانات کا آغاز 19 اپریل 2024 سے ہو رہا ہے۔
بورڈ آف انٹرمیڈیٹ اینڈ سیکنڈری ایجوکیشن راولپنڈی نے پہلے ہی انٹرمیڈیٹ کے پہلے سالانہ امتحانات 2024 کی ڈیٹ شیٹ جاری کردی ہے۔ اب بورڈ کی طرف سے ہائر سیکنڈری سکول سرٹیفکیٹ (HSSC) کے پارٹ 2 کے ریگولر اور پرائیویٹ طلبا کی رول نمبر سلپس بھی آن لائن اپ لوڈ کر دی گئی ہیں۔
بورڈ حکام نے واضح کیا ہے کہ تمام طلباء کے لیے پورے امتحان کے دوران رول نمبر سلپس اپنے ساتھ رکھنا لازمی ہو گا اور اس کے بغیر انہیں امتحانی مرکز میں داخلے کی کسی صورت اجازت نہیں ہو گی۔
جاری کردہ رول نمبر سلپس میں طلبا کے پیپرز کا مکمل شیڈول، امتحانی سینٹراورمارننگ یا ایوننگ شفٹ کی تفصیلات درج کی گئی ہیں۔
راولپنڈی بورڈ سے ملحق سرکاری سکولوں یا اداروں میں زیر تعلیم ریگولرطلبا کی رول نمبرسلپ یہاں سے ڈائون لوڈ کی جا سکتی ہیں،ریگولر طلبا کی رول نمبر سلپس ڈاؤن لوڈ کرنے کے لیے اسکولوں کو فراہم کیا گیا 6 ڈجٹ کوڈ اور پاس ورڈ درج کرنا ہو گا۔
راولپنڈی بورڈ آف انٹرمیڈیٹ اینڈ سیکنڈری ایجوکیشن کے پرائیویٹ طلبا کی رول نمبر سلپس بھی جاری کر دی گئی ہیں، طلبا اس لنک پر رول نمبر سلپ حاصل کر سکتے ہیں ۔
پرائیویٹ طلبا اپنا آن لائن فارم نمبر یا رول نمبر درج کرکے رول نمبرسلپ ڈائون لوڈ کر سکتے ہیں، ب فارم نمبر درج کر کے بھی رول نمبرسلپ حاصل کی جا سکتی ہے ۔
