حب ( نئی تازہ رپورٹ) صوبہ بلوچستان کے ضلع حب میں درگاہ شاہ نورانی جانے والے زائرین کا ٹرک کھائی میں گرنےسے 17افراد جاں بحق اور 28 زخمی ہو گئے، اکثرمسافروں کا تعلق صوبہ سندھ کےضلع ٹھٹہ سے ہے۔
نجی ٹی وی کے کے مطابق ٹھٹہ سے درگاہ شاہ نورانی جانے والا زائرین سے بھرا ٹرک ویراب کے قریب تیز رفتاری کے باعث بے قابو ہو کر گہری کھائی میں جا گرا، حادثے کے وقت ٹرک میں 100 سے زائد زائرین سوار تھے۔
ریسکیو ذرائع کے مطابق حادثے میں کئی زائرین ٹرک تلے دب گئے جس سے بڑی تعداد میں لوگ جاں بحق اور زخمی ہوئے۔رپورٹس کے مطابق حادثہ حب سول ہسپتال سے 40 کلومیٹر دورپیش آیا ۔
لوگوں نے زخمیوں کواپنی مدد آپ کے تحت گاڑیوں میں حب منتقل کیا، جبکہ ایدھی ایمبولینس نے جائے حادثہ پر پہنچ کرلاشوں اور زخمیوں کو ہسپتال پہنچایا۔
بتایا گیا ہے کہ اکثرمسافروں کا تعلق صوبہ سندھ کے ضلع ٹھٹہ سے ہے جو زیارت کے لیے درگاہ شاہ نورانی جا رہے تھے۔
