کرکٹ آسٹریلیا نے پاکستان کے ساتھ ون ڈے اورٹی ٹوئنٹی سیریز 2024 کا شیڈول جاری کردیا۔ پہلا ون ڈے انٹرنیشنل میچ 4 نومبر کو اور پہلا ٹی ٹوئنٹی 14 نومبر کو ہو گا۔
پاکستان کے دورہ اسٹریلیا کے دوران دونوں ٹیموں کے درمیان3 ون ڈے اور 3 ٹی ٹوئنٹی میچز کی سیریز 4 نومبر سے شروع ہوگی،تمام 6 میچز چھ مختلف مقامات پر کھیلے جائیں گے۔
آسٹریلیا پاکستان کے خلاف پہلا ون ڈے انٹرنیشنل میچ 4 نومبر کو میلبرن کرکٹ گراؤنڈ (ایم سی جی) میں کھیلے گا ،دوسرا ون ڈے 8 نومبر کو ایڈیلیڈ اور تیسرا ون ڈے 10 نومبر کو پرتھ اسٹیڈیم میں ہو گا۔
جاری شیدول کے مطابق سیریز کے تمام ون ڈے انٹرنیشنل میچز ڈے اینڈ نائٹ ہوں گے۔
پاکستان اورآسٹریلیا کی ٹیموں کے درمیان ٹی ٹوئنٹی سیریز کا آغاز 14 نومبر سے گابا برسبین میں ہوگا ، دوسرا ٹی ٹوئنٹی میچ 16 نومبر کو سڈنی کرکٹ گراؤنڈ میں جبکہ تیسرا میچ 18 نومبر کو ہوبارٹ میں شیڈول ہے۔
کرکٹ آسٹریلیا کے مطابق تینوں ٹی ٹوئنٹی انٹرنیشنل میچز نائٹ میچز ہوں گے ۔
