دیامر( نئی تازہ رپورٹ) گلگت بلتستان کے ضلع دیامر میں سیاحوں کی گاڑی کھائی میں گرنے سے پانچ افراد جاں بحق اور 13 زخمی ہو گئے۔
پولیس کے مطابق ضلع دیامر کے علاقے تھلیچی کے قریب شاہراہ قراقرم پر سیاحوں سے بھری بس سڑک پر لوہے کا جنگلہ توڑ کر نیچے گری۔
دیامر کے سینئر سپرنٹنڈنٹ پولیس (ایس ایس پی) محمد ایاز کے مطابق جاں بحق ہونے والوں میں 3 خواتین، ایک بچہ اور ایک مرد شامل ہیں۔
انہوں نے بتایا کہ زخمیوں کو مقامی ہسپتال منتقل کر دیا گیا ہے، مقامی لوگوں نے ریسکیو میں مدد کی، ہائی روف گاڑی لاہور سے گلگت آرہی تھی جس میں 18 افراد سوار تھے۔
ابتدا میں 12 افراد کے جاں بحق ہونے کی اطلاعات سامنے آئیں تاہم پولیس کے مطابق موقع پر تین افراد جاں بحق ہوئے اور دو نے ہسپتال میں دم توڑا۔
واضح رہے کہ گلگت بلتستان جانے والے سیاحوں کی گاڑی کھائی میں گرنے سے رواں ماہ دو حادثات پیش آئے جن میں کُل پانچ افراد فوت ہوئے جبکہ مجموعی طور پر 13 افراد زخمی ہوئے
