کوئٹہ (نئی تازہ رپورٹ) سپریم کورٹ کے وکیل عبدالرزاق شر کے بیٹے نے اپنے والد کے قتل کا مقدمہ چیئرمین تحریک اںصاف عمران خان کیخلاف درج کرا دیا۔
گزشتہ روز نامعلوم افراد نے فائرنگ کرکے بلوچستان سے تعلق رکھنے والےسپریم کورٹ کے وکیل عبدالرزاق شر کوفائرنگ کر کے قتل کردیا تھا، وہ عمران خان کیخلاف سنگین غداری کیس کے مدعی تھے۔
نجی ٹی وی کے مطابق مقدمہ کوئٹہ کے تھانہ شہید جمیل کاکڑ میں مقتول عبدالرزاق شر کے بیٹے کی مدعیت میں درج کیا گیا جس میں چیئرمین پی ٹی آئی عمران خان کو نامزد کیا گیا۔
مقدمے میں قتل، انسداد دہشت گردی ایکٹ سمیت دیگر دفعات شامل کی گئی ہیں۔
چیئرمین پی ٹی آئی کے خلاف سنگین غداری کیس میں کارروائی شروع کرنے سے متعلق درخواست آج 7 جون کو عدالت میں سماعت کے لیے مقرر تھی۔
یاد رہے کہ گزشتہ روز وزیراعظم کے مشیر عطاء تارڑ نے پریس کانفرنس کے دوران کہا تھا کہ بلوچستان کے وکیل عبدالرزاق شر ایڈووکیٹ کے قتل کے ذمہ دار عمران خان ہیں۔
