ریاض ( نئی تازہ رپورٹ) سعودی عرب میں منعقد ہونے والی اونٹ ریس میں 80 ملین سعوی ریال کے انعام کا اعلان کیا گیا ہے جوکھیلوں کی دنیا کی سب سے بڑی انعامی رقم ہے۔
سعودی میڈیا کی رپورٹ کے مطابق اونٹ ریس ٹورنامنٹ کا انعقاد معروف سیاحتی مقام العلا میں کیا جا رہا ہے جس میں دنیا بھر سے حصہ لینے والے 40 بہترین اونٹوں کے مالکان کو بھاری انعامات سے نوازاجائے گا جن کی مجموعی مالیت 80 ملین سعوی ریال ہے۔
انعامات کی رقم ڈالرز میں دو کروڑ سے زائد اور پاکستانی روپوں میں 5 ارب 90 کروڑ کے قریب بنتی ہے۔ رپورٹ کے مطابق دنیا بھر میں اب تک دوڑ کے کھیل میں اتنی بڑی انعامی رقم کبھی تقسیم نہیں کی گئی۔
