سندھ حکومت نے قومی اسمبلی کے حلقہ این اے 213 عمر کوٹ میں ضمنی انتخاب کے پیش نظر 17 اپریل کو ضلع عمر کوٹ میں عام تعطیل کا اعلان کیا ہے۔ اس سلسلے میں باقاعدہ نوٹیفکیشن بھی جاری کر دیا گیا ہے۔
واضح رہے کہ یہ نشست نواب یوسف تالپور کے انتقال کے بعد خالی ہوئی تھی۔ وہ 2024 کے عام انتخابات میں حلقہ این اے 213 سے رکن قومی اسمبلی منتخب ہوئے تھے، تاہم رواں سال فروری میں ان کا انتقال ہو گیا تھا، جس کے بعد یہ ضمنی انتخاب 17 اپریل کو منعقد ہو گا۔
