سابق وزیراعظم نواز شریف دبئی میں مختصر قیام کے بعد لندن پہنچ گئے، مسلم لیگ (ن) کے صدر لندن میں اہم ملاقاتیں کریں گے اور اپنا طبی معائنہ کروائیں گے ایون فیلڈ اپارٹمنٹ پہنچنے پر کارکنوں نے ان کا استقبال کیا۔
میڈیا رپورٹ کے مطابق نواز شریف کے لندن میں ہیتھرو ایئر پورٹ سے اپنی رہائشی ایون فیلڈ اپارٹمنٹ پہنچنے پر جہاں پارٹی کارکنوں کی بڑی تعداد نے ان کا استقبال کیا، پی ٹی آئی کے کارکن بھی احتجاج کے لیے موجود تھے۔
تحریک انصاف اور مسلم لیگ (ن) کے کارکنوں نے ایک دوسرے ک پارٹی قیادت کے خلاف نعرے بازی کی اس موقع پرلندن پولیس کی نفری بھی موجود رہی۔
قبل ازیں نواز شریف میڈیا سے کوئی بات چیت کیے بغیرایئر پورٹ سے اپنے گھر کے لیے روانہ ہوگئے۔
یہ بھی پڑھیں : بینظیرانکم سپورٹ پروگرام کی رقم 13 ہزار پانچ سوروپے کر دی جائے گی، روبینہ خالد
سابق وزیراعظم نواز شریف 25 اکتوبر کو امارات ایئرلائن کی پرواز ای کے 625 کے ذریعے دبئی روانہ ہوئے تھے، پارٹی ذرائع کے مطابق وہ لندن میں اہم ملاقاتیں کریں گے اور اپنا طبی معائنہ بھی کروائیں گے۔
وہ 29 اکتوبر کو لندن سےامریکہ روانہ ہوں گے، جہاں وہ 4 روزقیام کے بعد دوبارہ لندن پہنچیں گے۔
