سوشل میڈیا پر جج کے خلاف مہم چلانے کے الزام میں عمران ریاض اور مشیرخیبرپختونخواسمیت 8 افراد کے خلاف ایف آئی اے سائبر کرائم ونگ نے مقدمہ درج کرلیا۔
ذرائع کے مطابق جج کے بھتیجے احمد صدیق کی شکایت پر یہ مقدمہ پیکا ایکٹ کے تحت درج کیا گیا ہے۔جس میں صحافی اور یو ٹیوبرعمران ریاض سمیت دیگر افراد نامزد ہیں۔
ایف آئی آرکے متن کے مطابق احمد صدیق نے کہا کہ ملزمان نے سوشل میڈیا پر ان کے چچا کے خلاف منفی بیانیہ بنایا، ان کے چچا عدلیہ کے رکن ہیں جن پر کرپشن کے بے بنیاد الزمات لگائے گئے ہیں۔
مقدمے میں مشیر اینٹی کرپشن خیبر پختونخوا مصدق عباسی ،مجاہد علی شاہ، اللہ نواز، سہیل احمد، عمر صدیق، صدیق انجم اور طارق سلیم کو بھی نامزد کیا گیا ہے۔
