ممبئی( نئی تازہ ڈیسک) بھارتی بلاک بسٹرویب سیریز ‘ہیرا منڈی’ کی خوبرواداکارہ ادیتی راؤ حیدری اور اداکار سدھارتھ سوریا نارائن شادی کے بندھن میں بندھ گئے۔
بھارتی میڈیا کی رپورٹ کے مطابق ادیتی راؤ حیدری اور سدھارتھ سورینارائن نے ‘واناپارتھی’ کے قدیم مندر میں شادی کی جو 400 سال پرانا ہے، شادی کی تقریب میں اس جوڑے کے اہلخانہ اور چند قریبی عزیز شریک تھے۔
ادیتی راؤ حیدری اور سدھارتھ نے انسٹاگرام پر اپنی شادی کی تصاویر شیئر کرکے مداحوں کو سرپرائز دیا ۔ تصاویرادیتی راؤ نے اپنی شادی کے دن ہلکے میک اپ کے ساتھ ہلکے رنگ کی سادہ سی ساڑھی پہنی ۔ سدھارتھ نے بھی ہلکے رنگ کا لباس متخب کیا۔
سدھارتھ اور ادیتی راؤ حیدری نے مشترکہ پوسٹ میں ایک دوسرے سے مخاطب ہوتے ہوئے کہا کہ تم میرا سورج، چاند اور تمام ستارے ہو۔
خبر سامنے آنے پر شوبز شخصیات کی جانب سے ادیتی راؤ حیدری اور سدھارتھ کو شادی کی مبارکباد کا سلسلہ شروع ہوگیا ہے۔ جبکہ دونوں کے مداح بھی اس خبر پر خوش دکھائی دے رہے ہیں۔
