پاکستان کرکٹ ٹیم کے آل رائنڈر شاداب خان نے لنکا پریمیئر لیگ کے دوسرے میچ میں بھی شاندار کارکردگی کا مظاہرہ کرتے ہوئے چار وکٹیں حاصل کیں۔
سری لنکن ٹی 20 کرکٹ لیگ میں شاداب خان نے کولمبو اسٹرائیکرز کی طرف سے کھیلتے ہوئے گال مارولز کے خلاف چار اوورز میں 22 رنز دے کر 4 کھلاڑیوں کوپویلین بھیجا
مسلسل دوسرے میچ میں چار کھلاڑیوں کوآئوٹ کرنے پر شاداب نے ایک بار پھر تماشائیوں کی خوب داد سمیٹی۔
یاد رہے منگل کو کھیلے گئے میچ میں شاداب خان نے کینڈی فالکنز کے خلاف بھی چار وکٹیں حاصل کیں اور شاندار ہیٹرک کی۔
فالکنز کے خلاف میچ میں شاداب خان کو میچ کا بہترین کھلاڑی قرار دیا گیا تھا۔
شاداب خان لنکا پریمیئر لیگ میں اب تک 8 وکٹیں حاصل کرچکے ہیں۔
