یوٹیوب نے چاہت فتح علی خان کے وائرل گانے بدوبدی کو کاپی رائٹ کی وجہ سے ڈیلیٹ کردیا ہے۔
چاہت فتح علی خان نے ایک ماہ قبل یوٹیوب چینل پر گانا اکھ لڑی بدوبدی اپلوڈ کیا جو دیکھتے ہی دیکھتے وائرل ہو گیا تھا۔
میڈیا رپورٹس کے مطابق اس گانے کو یوٹیوب پر 27 ملین بار سنا گیا تاہم اب یو ٹیوب نے کاپی رائٹ کی وجہ سے گانا ڈیلیٹ کردیا ہے۔
چاہت فتح علی خان نے جس پنجابی گانے اکھ لڑی بدوبدی کو منفرد انداز میں گا کر لوگوں کی توجہ حاصل کی، اسے پہلی بار ملکہ ترنم نورجہاں نے 1973میں پاکستانی فلم ’بنارسی ٹھگ‘ کے لیے گایا تھا۔
یہ بھی پڑھیں : ہسپتال میں مردہ قرار دی گئی خاتون تدفین سے پہلے’زندہ‘ ہوگئی
’ بدوبدی‘ کا شمار مقبول ترین گانوں میں ہوتا ہے ، ماضی میں یہ گانا کئی فنکار اپنی آواز میں گاچکے ہیں۔
