مظفر گڑھ ( نئی تازہ رپورٹ) ملتان سے بھکر جانیوالی مسافر وین اورٹرک کے تصادم میں خواتین اور بچوں سمیت 11 افراد جاں بحق ہوگئے۔
میڈیا رپورٹ کے مطابق مظفر گڑھ میں ایم ایم روڈ پرچوک سرور شہید کے قریب ملتان سے آنے والی مسافر وین اور ٹرک کے درمیان خوفناک تصادم ہوا جس کے نتیجے میں ایک ہی خاندان کے 11 افراد جاں بحق اور 15 زخمی ہوگئے۔
اڈہ محمد والا کے قریب پیش آنے والے حادثے کے بعد ریسکیو 1122 کے اہلکاروں نے لاشوں اور زخمیوں کو تحصیل ہیڈکوارٹر ہسپتال چوک سرور شہید پہنچایا۔
پولیس کے مطابق مسافر وین میں سوار افراد ایک ہی خاندان سے تعلق رکھتے تھے، وہ لتان کی بستی لاڑ سے بھکر اپنے رشتے داروں سے ملنے جارہے تھے کہ حادثے کا شکار ہو گئے ۔
جاں بحق ہونے والوں میں پانچ مرد ، تین خواتین ،دو بچے اور ایک بچی شامل ہیں۔
