فاسٹ بائولر حسن علی ٹی ٹوئنٹی ورلڈ کپ 2024 کی قومی ٹیم سے باہر ہوگئے ۔ انہیں حارث رؤف کے بیک اپ کے طور پر اسکواڈ میں شامل کیا گیا تھا۔
ٹیم انتظامیہ کے مطابق حسن علی کو ریلیز کر دیا گیا ہے اب وہ کاؤنٹی کرکٹ کی اپنی کمٹمنٹ پوری کر سکتے ہیں۔
حسن علی انگلش کرکٹ کاؤنٹی وارکشائر کی نمائندگی کر تے ہیں انہیں فاسٹ بائولرحارث رؤف کے بیک اپ کے طور پرٹیم میں شامل کیا گیا تھا۔
نجی ٹی وی کے مطابق ٹی ٹوئنٹی ورلڈ کپ کے لیے پاکستان کے ممکنہ 15 کھلاڑیوں میں میں کپتان بابر اعظم، محمد رضوان، صائم ایوب، فخر زمان، عثمان خان اور اعظم خان کے نام شامل ہو سکتے ہیں۔
رپورٹ کے مطابق ٹی ٹوئنٹی ورلڈ کپ کے قومی سکواڈ میں ممکنہ طور پر افتخار احمد، محمد عامر، نسیم شاہ، شاہین آفریدی، حارث رؤف، عباس آفریدی اور شاداب خان شامل ہوں گے۔
نجی ٹی وی کے مطابق ورلڈ کپ کے لیے پاکستان کے ٹی ٹوئنٹی اسکواڈ میں عماد وسیم اور ابرار احمد کا نام بھی شامل ہو گا ، ریزرو کھلاڑیوں میں سلمان علی آغا اور عرفان خان نیازی کو شامل کیا جائے گا۔
بتایا گیا ہے کہ ٹی ٹوئنٹی ورلڈ کپ کے لیے 15رکنی اسکواڈ کا اعلان ائندہ 48 گنٹے میں ہوجائے گا۔
ٹی ٹوئنٹی ورلڈ کپ کے کے لیے 15رکنی ٹیم کی فہرست جاری کرنے کی آخری تاریخ 24 مئی 2024 ہے۔
