گرمی کی شدت کے پیش نظرکراچی بورڈ کے میٹرک کے امتحانات 2024 بھی ملتوی کردیے گئے۔اس سے قبل اندرون سندھ انٹرمیڈیٹ کے امتحانات ملتوی کرنے کا اعلان کیا گیا تھا
ثانوی تعلیمی بورڈ کراچی کے اعلان مطابق 21 سے 27 مئی کے درمیان 9 ویں اور10 ویں جماعت کے پیپرز نہیں ہوں گے ، اس بارے میں نوٹیفکیشن جاری کردیا گیا ہے۔
بورڈ حکام کے مطابق 21 مئی سے 27 مئی تک ہونے والے پرچہ جات بعد میں لیے جائیں گے جبکہ 28 مئی کو اور اس کے بعد ہونے والے پیپرز اپنے شیڈول کے مطابق ہوں گے۔
نوٹیفکیشن کے مطابق وزیر برائے تعلیمی بورڈزاینڈ یونیورسٹیز محمد علی ملکانی کے حکم پربورڈ آف سیکنڈری ایجوکیشن کراچی کے میٹرک کے امتحانات ملتوی کیے گئے ہیں اور اب 9 ویں اور10 ویں جماعت کے امتحانات 28 مئی سے شیڈول کے مطابق ہوں گے۔ جبکہ 21 سے 27 مئی کے درمیان ملتوی ہونے والے پیپرز کا نظر ثانی شدہ شیڈول بعد میں جاری کیا جائے گا۔
قبل ازیں نٹرمیڈیٹ کے امتحانات ملتوی کرنے کا اعلان کیا گیا تھا، اندرون سندھ انٹرمیدیٹ کے امتحانات 22 مئی کے بجائے اب 27 مئی سے ہوں گے۔
