ملک میں سولر پینلز کے ساتھ استعمال ہونے والی بیٹریوں کی قیمتوں میں بھی ہزاروں روپے کی کمی ہوگئی۔
میڈیا رپورٹ کے مطابق یو پی ایس کی بیٹریوں کی قیمتوں میں بھی گزشتہ سال کے مقابلے میں کمی دیکھی گئی ہے۔
ڈیلرز کے مطابق گزشتہ سال کی نسبت یو پی ایس بیٹریوں کی قیمت میں کمی ہوئی ہے۔ گذشتہ سال جو بیٹری 38 سے 40 ہزار روپے میں فروخت ہو رہی تھی اب وہی 32 سے 34 ہزار روپے میں مل رہی ہے۔
ڈیلرز کے مطابق چھوٹے گھروں کے لیے استعمال کی جانے والی 110وولٹ بیٹری 22 سے 24 ہزار روپے میں فروخت ہوتی رہی، اب 19 سے 20 ہزار روپے میں دستیاب ہے ۔
تاجروں کے مطابق ڈالر کی قدر مستحکم رہنے کی وجہ سے گزشتہ کچھ ماہ میں قیمتیں بھی مستحکم رہی ہیں،انہوں نے بتایا کہ کئی جگہوں پر بیٹریاں کم قیمت پر بھی مل رہی ہے، کیونکہ جن کے پاس زیادہ سٹاک ہے وہ جلد فروخت کرنے کی کوشش کر رہے ہیں ۔
