لاہور/ راولپنڈی( نئی تازہ مانیٹرنگ) موسم گرما کی شدت میں اضافے کے پیش نظر لاہور اور راولپنڈی سمیت پنجاب بھر کے تمام سرکاری اور نجی اسکولوں میں جون 2024 کے پہلے ہفتے سے گرمی کی تعطیلات کا فیصلہ کیا گیا ہے۔
نجی ٹی وی چینل کی رپورٹ کے مطابق پنجاب کے وزیر تعلیم نے بتایا ہے کہ گرمی کی تعطیلات کا آغاز 7 جون 2024 سے ہوگا، رپورٹ کے مطابق موسم گرما کی تعطیلات 19 اگست 2024 تک جاری رہیں گے۔ اس طرح صوبہ بھر کے تمام شہروں میں تعلیمی ادارے لگ بھگ اڑھائی ماہ تک بند رہیں گے۔
لاہور میں اسکولوں کی تعطیلات 2024 کا شیڈول
پنجاب کے دوسرے شہروں کی طرح لاہور کے تمام سرکاری اور نجی اسکول بھی اس سال 7 جون سے 19 اگست 2024 تک گرمی کی تعطیلات کی وجہ سے بند رہیں گے۔
راولپنڈی میں اسکولوں کی تعطیلات 2024 کا شیڈول
راولپنڈی میں گرمی کی تعطیلات کے دوران تمام اسکول 7 جون سے 19 اگست 2024 تک بند رہیں گے۔ واضح رہے کہ اس سال( 2024) عیدالاضحیٰ جون کے دوسرے عشرے میں آ رہی ہے، اس طرح طلبا اور اساتذہ گرمیوں کی چھٹیوں کے دوران ہی قربانی کی عید منائیں گے۔
