لاہور ( نئی تازہ رپورٹ) بورڈ آف انٹرمیڈیٹ اینڈ سیکنڈری ایجوکیشن (BISE) لاہور نے انٹرمیڈیٹ ( 11 ویں، 12 ویں جماعت) کے پہلے سالانہ امتحانات 2024 کے لیے رول نمبر سلپس جاری کر دی ہیں۔
تفصیلات کے مطابق لاہور بورڈ کے تحت ہائر سیکنڈری سکول سرٹیفکیٹ (HSSC) پارٹ 1، پارٹ 2 ( 11 ویں ،12 ویں جماعت) کے امتحانات 19 اپریل 2024 سے شروع ہورہے ہیں۔
لاہور بورڈ نے انٹرمیڈیٹ کے پہلے سالانہ امتحانات 2024 کی ڈیٹ شیٹ پہلے ہی جاری کردی تھی۔ اب بورڈ نے ریگولر اور پرائیویٹ طلبا کی رول نمبر سلپس بھی آن لائن اپ لوڈ کر دی ہیں۔
بورڈ حکام کے مطابق تمام طلباء کے لیے امتحان کے دوران اپنی رول نمبر سلپس اپنے ساتھ رکھنا لازمی ہے کیونکہ اس کے بغیر انہیں امتحانی مرکز میں داخلے کی اجازت نہیں ہو گی۔
یہ بھی پڑھیں : لاہوربورڈ، انٹرمیڈیٹ ( پارٹ 1، پارٹ 2) سالانہ امتحان 2024 کی ڈیٹ شیٹ جاری
رول نمبر سلپس میں طالب علم کے پیپرز کا شیڈول، امتحانی مرکز اورمارننگ یا ایوننگ شفٹ کی تفصیلات درج ہوتی ہیں۔
لاہور بورڈ سے ملحق سرکاری سکولوں یا اداروں میں زیر تعلیم ریگولرطلبا کی رول نمبرسلپ یہاں سے ڈاؤن لوڈ کی جاسکتی ہیں۔
ریگولر طلبا کی رول نمبر سلپس ڈاؤن لوڈ کرنے کے لیے اسکولوں کو پہلے سے دیا گیا صارف نام ( user name) اور پاس ورڈ درج کرنا ہو گا۔
لاہور بورڈ کے پرائیویٹ طلبا کی رول نمبر سلپس بھی جاری کر دی گئی ہیں، طلبا اس لنک پر جا کر اپنا اور اپنے والد کا نام درج کرکے رول نمبر سلپ حاصل کر سکتے ہیں ۔
لاہور بورڈ کے پرائیویٹ طلبا اپنا فارم نمبر یا ریفرنس نمبر درج کرکے بھی رول نمبرسلپ حاصل کر سکتے ہیں،موجودہ یاگذشتہ امتحان کا رول نمبر درج کر کے بھی پرائیویٹ طلبا اپنی سلپ حاصل کر سکتے ہیں۔
