اسلام آباد ( نئی تازہ رپورٹ) پاکستان اور بین الاقوامی مالیاتی فنڈ ( آئی ایم ایف) کے درمیان 71 کروڑ ڈالرکی قسط کے لیے مذاکرات کا اغاز ہو گیا۔
مذاکرات کے لیے آئی ایم ایف کا جائزہ مشن ناتھن پورٹر کی سربراہی میں وزارت خزانہ اسلام آباد پہنچا، جہاں 71 کروڑ ڈالر کی ائندہ قسط کے لیے اقتصادی جائزے پر ٹیکنیکل سطح کے مذاکرات شروع ہو گئے۔
وزارت خزانہ کے ذرائع کے مطابق معاشی ٹیم آئی ایم ایف مشن کو بریفنگ دے گی۔ ذارئع کے مطابق اس سے قبل نگراں وزیر خزانہ شمشاد اختر کی زیر صدارت معاشی ٹیم کا اہم اجلاس ہوا ۔ آئی ایم ایف کا جائزہ مشن 15روز کے لیے مذاکرات کی غرض سے پاکستان آیا ہے، مذاکرات 15روز جاری رہیں گے۔ 10 روز تک پاکستان اور آئی ایم ایف کے درمیان تکنیکی سطح کے مذاکرات ہوں گے جب کہ اگلے پانچ روز پالیسی سطح کے مذاکرات ہوں گے۔
وزارت خزانہ نے اقتصادی جائزے پر مذاکرات کے لیے تمام وزارتوں کی کارکردگی رپورٹ تیار کر لی ہے۔ طے شدہ اہداف پر مکمل اور جزوی عملدرآمد بارے 11 وزارتوں اور اتھارٹیز کی رپورٹ بھی تیار کی گئی ہے، جس کے مطابق وزارت خزانہ، ایف بی آر، وزارت توانائی، وزارت پیٹرولیم، بے نظیر انکم سپورٹ پروگرام، وزارت منصوبہ بندی اور پیپرا نے نے اہداف مکمل کیےہیں۔
اقتصادی جائزہ کامیابی سے مکمل ہونے پرآئی ایم ایف 71 کروڑ ڈالر کی قسط جاری کرنے کی منظوری دے گا۔
