میانوالی( نئی تازہ رپورٹ) معروف گلوکار شرافت علی تری خیلوی سمیت سات افراد گاڑی نہر میں گرنے سے جاں بحق ہو گئے، مرنے والوں میں گلوکار کے بھائی اور بہنوئی بھی شامل ہیں۔
تفصیلات کے مطابق میانوالی کے مشہور لوک سنگر شرافت علی چھدرو کے علاقہ میں ایک شادی میں میوزک پروگرام میں شرکت کے بعد چھ دیگر افراد کے ہمراہ واپس گھر جا رہے تھے کہ سرگودھا روڈ پر واں بھچراں کے قریب انکی گاڑی تیز رفتاری کے باعث بے قابو ہوکر نہرمہاجر برانچ میں جا گری۔
حادثہ رات گئے پکہ گھنجیرہ شیخالی روڈ پرپیش آیا۔ شرافت تری خیلوی کے بھائی انور علی اور بہنوئی بھی ان کے ساتھ گاڑی میں سوار تھے ۔
ریسکیو ٹیموں نے رات گئے اطلاع ملنے پر نہر میں گرنے والے گاڑی باہر نکال لی۔
ڈسٹرکٹ ایمرجنسی آفیسر انجنئی نوید اقبال کے مطابق ریسکیو ٹیموں کو گاڑی سے 7 افراد کی لاشیں ملی ہیں۔جن میں شرافت علی تری خیلوی ، انکے بھائی انور علی بلوچ اور انک پانچ دیگر افراد شامل ہیں۔
