سرگودھا ( نئی تازہ رپورٹ) سرگودھا کی تحصیل بھلوال میں وین میں گیس سلینڈر دھماکہ کے نتیجے میں 7 افراد جاں بحق اور 14 زخمی ہو گئے۔
ریسکیو 1122 کنٹرول روم کی جانب سے جاری بیان کے مطابق دھماکے میں 7 مسافر موقع پر ہی جاں بحق ہو گئے جبکہ 14 زخمی افراد میں سے 7 کی حالت تشویشناک ہے، جنہیں بھلوال تحصیل ہیڈکوارٹر ہسپتال پہنچا دیا گیا۔
بیان کے مطابق 5 لاشوں کی فی الحال شناخت نہیں ہوسکی۔
بیان کے مطابق ریسکیو 1122 کو صبح 8 بج کر 35 منٹ پر کال موصول ہوئی ، جس پر 9ایمبولینسز، تین فائر فائٹنگ گاڑیاں اور ایک ریسکیو گاڑی جائے وقوعہ پر روانہ کر دی گئی
ریسکیو 1122 کے مطابق موصول کال میں بتایا گیا تھا کہ ایک ہائی ایس میں ایل پی جی سلینڈرگیس لیکیج کی وجہ سے آگ لگ گئی ہے اور کچھ مسافر اس میں پھنسے ہوئے ہیں۔
