راولپنڈی ( نئی تازہ رپورٹ) راولپنڈی میں رینج روڈ کے قریب نامعلوم وجہ سے جھونپڑیوں میں آتشزدگی سے 7 سالہ بچہ جاں بحق ہوگیا۔
میڈیا رپورٹ کے مطابق جھونپڑیوں میں آگ لگنے اطلاع ملنے پر ریسکیو 1122 نے موقع پر فوراً پہنچ کر آگ بجھانے کی کوشش کی اور ایک گنھٹے بعد آگ پر قابو پا لیا۔ اطلاعات کے مطابق آگ سے 8 جھونپڑیاں جل کر راکھ ہو گئیں۔
ترجمان ریسکیو 1122 کے مطابق فی الحال آگ لگنے کی وجوہات سامنے نہیں آ سکیں۔ 6 فائر ٹینڈرز کی مدد سے آگ پر ایک گھنٹے میں قابو پایا گیا، متاثرہ مقام پر سرچ آپریشن بھی کیا جائے گا۔ترجمان کے مطابق آگ سے بری طرح جھلس کر 7 سالہ بچہ جاں بحق ہوگیا، یاسین نامی بچے کا جسم 100 فی صد جل چکا تھا۔
آتشزدگی کے نتیجے میں ایک درجن سے زائد خاندان بے گھر ہوگئے۔آگ لگنے کی وجوہات جاننے کی کوشش کی جارہی ہے۔
