حیدرآباد، بھارت ( نئی تازہ مانیٹرنگ) فلم شوٹنگ کے دوران بگ بی امیتابھ بچن حادثے کا شکار ہونے سے زخمی ہو گئے ۔
اپنے بلاگ کے ذریعے80 سالہ بالی ووڈ اداکارامیتابھ بچن نے بتایا کہ وہ حیدرآباد میں شوٹنگ کے دوران حادثے کا شکار ہوئے ہیں۔ انہوں نے بتایا کہ وہ اپنی آنے والی فلم ‘پروجیکٹ کے’ کے ایکشن سین کی شوٹنگ کے دوران زخمی ہو گئے ہیں اور اس وقت ممبئی میں اپنے گھر پر آرام کر رہے ہیں۔ امیتابھ نے بتایا کہ ان کی پسلی بری طرح متاثر ہوئی ہے۔ اسپتال میں ڈاکٹر نے سی ٹی اسکین کے بعد انہیں آرام کا مشورہ دیا ہے ، امیتابھ بچن کے مطابق وہ کافی تکلیف محسوس کر رہے نہیں، علاج جاری ہے۔ ، ہلنے اور سانس لینے میں تھوڑی دشواری ہورہی ہے، اسے ٹھیک ہونے میں چند ہفتے لگیں گے۔
