لاہور: وزیراعلیٰ پنجاب کی آمد کے موقع پر سرگودھا یونیورسٹی میں تعطیل کا اعلان کر دیا گیا۔
نجی ٹی وی کے مطابق سرگودھا یونیورسٹی نے وزیراعلیٰ پنجاب کی آمد کے موقع پرتعطیل کا اعلان کیا ہے اور تمام شعبہ جات میں جاری فائنل ٹرم کے پیپرز بھی ملتوی کر دیے گئے ہیں، اس حوالے سے نئے شیڈول کا اعلان بعد میں کیا جائے گا۔
وزیراعلیٰ پنجاب یونیورسٹی میں ہونے والی تقریب کے دوران ہونہار طلباء میں اسکالرشپس تقسیم کریں گے، جس کے لیے یونیورسٹی آف سرگودھا کے کرکٹ گراؤنڈ میں خصوصی انتظامات کیے گئے ہیں۔
مریم نواز شریف سرگودھا یونیورسٹی میں 1588 طلباء کو چیک تقسیم کریں گی، جبکہ سرگودھا، بھکر، میانوالی یونیورسٹیوں اور میڈیکل کالجز کے طلباء کو 7 کروڑ روپے کے اسکالرشپ دئیے جائیں گے۔
یاد رہے کہ راولپنڈی اور ملتان میں پہلے ہی 7700 طلباء کو 44 کروڑ روپے کے ہونہار اسکالرشپ چیک تقسیم کیے جا چکے ہیں۔
