مقبول میسجنگ اینڈ کالنگ ایپ واٹس ایپ نے صارفین کیلئے ایک نیا فیچر متعارف کرا دیا۔
غیر ملکی میڈیا رپورٹ کے مطابق واٹس ایپ نے اینڈرائیڈ صارفین کیلئے وائس کال میں ایک نیا فیچر متعارف کرانے کا اعلان کیا ہے۔
میڈیا رپورٹ کے مطابق نئی سہولت مہیا ہونے کے بعد واٹس ایپ پر کال موصول کرتے وقت کال کرنے والے کی تصویر پوری سکرین پرنظر آئے گی۔
اسی طرح دیگر نئے فیچرز میں سے ایک میں کال ونڈو پر اوپر کی جانب کچھ آئیکون فراہم کیے جائیں گے،جن کی مدد سے صارفین کال ونڈو کو چھوٹا کر سکیں گے یا دیگر افراد کو کال میں شامل کر سکیں گے۔
رپورٹ کے مطابق واٹس ایپ کے ایک اور فیچر کےذریعے سکرین پر نیچے کی جانب دیئے گئے پینل میں مزید آپشن شامل کئے جارہے ہیں۔
