کراچی( نئی تازہ رپورٹ) کراچی کے مختلف علاقوں میں بدھ کی شب زلزلے کے جھٹکے محسوس کیے گئے۔
مقامی ٹی وی چینلز کے مطابق کراچی کے علاقوں ملیر اور لانڈھی سمیت قریبی علاقوں میں زلزلے کے جھٹکے محسوس کیے گئے۔
قائد آباد اور سپرہائی وے کے علاقوں میں بھی زلزلہ کے جھٹکے محسوس کئے گئے۔
کاٹھور اور گڈاپ کے لوگوں نے زلزلے کے جھٹکوں کی اطلاع دی ، زلزلہ بدھ کی شب 8 بج کر 50 منٹ پر آیا۔
محکمہ موسمیات کے مطابق زلزلے کی شدت ریکٹر سکیل پر 3.2 تھی اس کا مرکز نیو ملیرکے علاقہ میں 12 کلومیٹرزیر زمین تھا۔
