لاہور( نئی تازہ مانیٹرنگ) مریدکے میں کار اورغلط سائیڈ سے آنے والے مزدا ٹرک کے درمیان تصادم کے نتیجے میں تین بچوں سمیت 6 افراد جاں بحق ہو گئے۔
میڈیا رپورٹ کے مطابق حادثہ مریدکے کے علاقے میں پیش آیا جہاں ایک تیز رفتار کار لاہور سے گوجرانوالہ جاتے ہوئے سامنے سے آنے والے مزدا ٹرک سے ٹکرا گئی، بتا یا گیا ہے کہ مین جی ٹی روڈ پر ریان پورہ کے قریب ایک مزدا ٹرک کے ون وے کی خلاف ورزی کرنے کی وجہ سے حادثہ پیش آیا، حادثہ کا شکار گاڑی مکمل طور پر تباہ ہو گئی جبکہ مزدا ٹرک کا سامنے والا حصہ بری طرح متاثر ہوا، مزدا ڈرائیور موقع سے فرار ہو گیا۔
ریسکیو ذرائع کے مطابق حادثے کے نتیجے میں کار میں سوار ایک ہی خاندان کے 6 افراد موقع پر دم توڑ گئے جو خانیوال میں شادی میں شرکت کے بعد واپس گوجرانولہ جارہے تھے۔
پنجاب میں اورنج لائن ٹرین اور میٹرو بس سروسز کے کرایوں میں اضافہ
حادثہ میں 3 خواتین شدید زخمی بھی ہوئی ہیں، جاں بحق ہونے والوں میں دو مرد، ایک خاتون اور تین بچے شامل ہیں، ریسکیو اہلکاروں نے موقع پر پہنچ کر گاڑی کی باڈی کو کاٹ کر لاشوں اور زخمیوں کو نکالا اور قریبی ہسپتال منتقل کر دیا جہاں زخمی ہونے والی خواتین کو طبی امداد دی جا رہی ہے، پولیس نے حادثہ کی تفتیش شروع کر دی ہے۔
